بوظة عربية

المقادير:

كوب حليب بودرة 2 كوب ماء بارد علبة قشطة ملعقة صغيرة مستكة مطحونة ملعقة كبيرة سحلب بودرة ملعقة صغيرة ماء زهر نصف كوب سكر

الطريقة:

بنخلطهم منيح بالخلاط لمدة 5 دقائق بعدين بنحطهم بالبراد لمدة ساعتين وكل نصف ساعة بنحركهم منيح. . بعدين بنطلعهمن من البراد وبنخلط معهم فستق حلبي مجروش وبندخلهم البراد حتى يجمدوا ويبردوا..

وصحة وهنااا

فطيرة دجااااج روووعة

اول شي عالنار بقلب بصل مفروم ناعم وبضيف عليه فلفل مكعبات وبقلبهم.. بضيف جزر وبازيلا مجمد يعني مستوي وبقلبهم..

بكون سالقة قطع دجاج ثلاث ارباع استواء.. بقطعهم وبضيفهم عالخضار.. واذا بتحبي تضيفي فطر او ذرة برضو بصير..

بضيف ملح وفلفل وبهار وكاري وبخليهم شوي عالنار حتى يستوي الدجاج..
ملعقتين زبدة وملعقتين طحين بحكرهم حتى يتغير لون الطحين وبضيف مرقة الدجاج واذا بتحبي تضيفي شوية حليب برضو عادي.. بضيف ملح وفلفل وبهار عليهم وبخليهم حتى يثقلوا.. المفروض يكون اثقل من البشاميل العادي..
بجيب العجينة برق نصها بالصينية وبحط الخليط وفوقها بحط النص الثاني. .
بدهنها بخليط بيض ومي وبرش سمسم وحبة البركة..

على جنب بعمل خليط البشاميل..

بخلط البشاميل مع الدجاج والخضار..

بدخلها فرن محمى مسبقا لمدة تلت ساعة تقريبا..

وصحة وهنااا

كيكة قدرة قااادر

المقادير والطريقة:
 يحرق كوب سكر بقالب الجاتوه على نار هاديه و نتركه جانباً

 الكرريم كراميل:
 بيضتين
 4/3 كوب سكر
 1 ملعقه صغيره فانيليا
 كوب و نص حليب بودر
 كوبين ماء

 * تخلط المقادير السابقه بالخلاط لمده دقيقتين و تصب فوق السكر بالقالب

 مقادير الكيكة:

 بيضتين
 كوب و ربع طحين
 2/1 كوب زيت
 ملعقه فانيليا
 ملعقه و نص بيكنج بودر
 ملعقه و نص بيكنج صودا
 2/1 كوب حليب سائل
 ملعقتين كبار كاكاو
 4/3 كوب سكر

 * يخفق البيض والسكر والفانيليا اولا وبعدين باقي السوائل بعدين نضيف الطحين المنخول وباقي المقادير الجافه
 و يضاف فوق طبقه الكريم كراميل
 يوضع في حمام مائي بالفرن لمدة ساعة

 يترك القالب ليبرد ثم يدخل الثلاجة حتى يبرد ثم يقلب ويقدم

وصحة وهناااا ^_^

الكيكة السحرية

الكيكة السحرية
كيكة طريقتها عادية لكن بعد الخبز بتطلع كأنها طبقات ^_^
لزيزة وراائعة..

المقادير:
4 بيضات مفصول الصفار عن البياض
150 غم سكر
125 غم زبدة مذابة
ثلاث ارباع كوب دقيق منخول
ملعقة صغيرة فانيلا سائلة
ملعقة كبيرة ماء
نصف لتر حليب دافئ

الطريقة:
نقوم بخفق البيض وملعقة الماء... نضيف الزبدة والفانيلا والسكر ونخقق جيدا حتى يصبح لونه فاتح وينفش..
نضيف الحليب الدافئ للخليط ون المهم جدا ان يكون الحليب دافئ..
نضيف الطحين المنخول ونحرك جيدا..
في وعاء مستقل نضرب بياض البيض حتى يصبح مثل المارينج جامد..
نضيف ملعقتين من البياض لخليط الصفا .. ونحرك.. نضيف باقي مقدار البياض ونقلب الخليط..

نصب الخليط في صينية مدهونة زبدة وطحين..
الصينية قطرها 20 سم..ندخلها فرن محمى مسبقا لمدة 45 دقيقة..من المهم جدا عدم فتح  الفرن عليها..
بعد نضجها نتركها بالفرن قليلا..

نخرجها من الفرن ونرش عليها سكر بودرة.. وتترك بالثلاجة حتى تبررد...

وصحة وهنااا ^_^

المبسوس الفلسطيني

المقادير:
3 كوب او اكثر طحين
كوب زيت زيتون
كوب سكر
كوب عصير برتقال
ملعقتين كبار يانسون وشومر
نصف كوب سمسم
ملعقة ونصف صغيرة بكنج باودر

الطريقة:
نضيف الزيت الي الطحين ونبسه جيدا..
نضيف بتقي المقادير ونعجنها جيدا.. واذا احتاجت طحين بنضيف طحين زيادة..
بنكور العجينة كرات صغيرة ونضغط عليهاا حتى تصبح مثل القرص.. ونضعها بصينية الفرن غير مدهوونة..
نضعها بالفرن حتى تتحمر..
تؤكل باردة..

وصحة وهناااا ^_^

نيوكي باستا

النيوكي نوع من انواع الباستا الايطالية.. ممكن شراؤها من السوبر ماركت.. ويمكن بسهولة عملها بالمنزل..

المقادير والطريقة :
اول شي بنسلق 2 حبة بطاطا..
لما تستوي البطاطا بنقشرها وبنهرسها كويس..
بنضيف ملح وبيضة وطحين بالتدريج حتى نحصل على عجينة شبيهة بعجينة المعجنات..
بنخلي العجينة ترتاح شوي لمدة 10 دقائق..
بنجيب العجينة وبنعملها على شكل اسطوانة طويلة ورفيعة..
بنقطعها قطع عرض كل قطعة 2 سم..
بنجيب الشوكة وبنضغط عالحبات..

بنسلق المعكرونة عادي.. بنغلي مية وبنضيف ملح وبنسقط حبات المعكرونة.. اول شي بتكون القطع بقاع الطنجرة وبعدين بترتفع لفوق.. لما ترتفع بتكون استوت وبنستنى عليها دقيقتين بعد ما ترتفع..
بنصفيها وبنخليها على جنب..

بنقدر نعملها بصوص بندورة او بشاميل او صوص الريحان او نقليها.. حسب الرغبة...
انا عملت صوص الطماطم..

الطريقة:
اول شي بنذبل شوي بصل مفروم ناعم مع توم مهروس وفلفل مقطع ناعم..
بنضيف بندورة مقشرة ومهروسة او مفرومة ناعم..
بضيف ملح وفلفل وبهار وبنحركهم..
بنضيف ماء مغلي ورب بندورة.. واخر شي بنضيف ورق ريحان مفرومة..
بنسقط حبات المعكرونة بالصوص وبنخليها عالنار ربع ساعة..
بنقدمها وبنبرش فوقها جبنة..

وصحة وهنااا ^_^

حلا الشاموااه

المقادير:

الطبقة الاولى: كيكة الشوكلاتة..

2 بيض

ملعقة صغيرة فانيلا

ثلاث ارباع كوب سكر

نص كوب زيت
نصف كوب حليب

كوب وربع طحين

ملعقتين صغيرة كاكاو

ملعقة وربع صغيرة بكنج باودر

الطريقة:
اول شي نخفق البيض والسكر والفانيلا..
نضيف الكاكاو والحليب والزيت ونخفق..
واخر شي بنضيف الطحين المنخول والبكنج باودر..
ندخلها فرن محمى مسبقا لمدة نصف ساعة تقريبا..

نترك الكيكة حتى تبرد ونقوم بتقطيعها قطع سماكتها 2 سم ونرتبها في صينية التشيز كيك او البايركس..

الطبقة الثانية:
المقادير::
17 حبة بسكوت شاي

علبة قشطة

ملعقة نسكافية

2 ونصف كوب حليب

بكيت كريم كراميل

الطريقة:بنطحن البسكوت والقشطة والنسكافيه وسكر الكراميل بالخلاط..
بنغلي الحليب عالنار وبنضيف الكراميل عليه وبنحرك شوي..
بنضيف الكراميل على الخلاط وبنخلطهم منيح..
بنصب المزيج فوق الكيك بالصينية..

ما بنحرك الصينية لمدة 10 دقائق.. بنرش عليها كاكاو بودرة وبندخلها الثلاجة حتى تبرد..

وصحة وهنااا ^_^

خبز بالثوم والجبنة

المقادير:
زبدة او زيت زيتون
ثوم مهروس جيدا
اوريجانو او زعتر جاف
جبنة مبروشة
خبز صمون او بجيت ( فرنسي )

الطريقة:
بنقطع خبز الصمون بالطول من النص..
بنخلط الزبدة والتوم وبنسيحها شوي بالميكرويف او بنقدر نستخدم زيت زيتون بدل الزبدة..
بندهن الزيت والتوم على الخبز..
بنرش الاوريجانو او الزعتر..
واخر شي بنبرش الجبنة عليهم..

بندخلها الفرن تقريبا 10 دقائق حتى تسيح الجبنة وبنحمرها..

وصحة وهناااا ^_^

لازانيا ولا اروع

المقادير:

معكرونة لازانيا

ماء لسلق المعكرونة

ملح وزيت

مقادير الحشوة:

فطر مقطع

فلفل الوان مقطع

بندوة مقطعة

لحمة مفرومة

ملح وفلفل وبهار

اوريجانو حسب الرغبة

مقادير صلصة الحشوة:

بصلة مفرومة ناعم كتير

بندورة مفرومة ناعم

توم مهروس

رب بندورة

ملح وفلفل وبهار

كوب ماء

مقادير البشاميل:

3 ملاعق طحين

3 كاسات حليب

ملعقة كبيرة زبدة

ملعقتين كبار زيت

ملح وفلفل وبهار

جبنة مبروشة 

الطرييقة:

اول شي بنسلق اللازانيا نص سلقة ولما تغلي المي بنضيف ملح وزيت.. ولما تستوي بنشيلها وبنغسلها بمي ياردة..

بنجهز البشاميل:

بنحط الزيت والزبدة والطحين بالطنجرة وبنحركهم.. بنضيف الحلسب بالتدريج.. وبنحرك عالنار.. وبنضيف ملح وفلفل وبهار وجبنة مبروشة..

الصوص:

بنذبل البصل بشوي زيت وبنضيف التوم.. بعدين بنضيف البندورة المفرومة وبنحرك وبنضيف رب بندورة وكاس ماء وبنضيف ملح وفلفل ويهار وكزبرة.. وبنخليهم حتى يتسبكوا..

الحشوة:

بنقلي الفطر والفلفل الالوان وبنضيف بعدين الذرة والطماطم.. وبنحرك وبنضيف اللحمة المفرومة وبنضيف ملح وفلفل وبهار واوريجانو.. وبعدين بنضيف ماء وبنخليهم حتى تستوي اللحمة..

بنجيب صينية الفرن.. اول شي بندهن الصينية بشاميل..  بنحط اللازانيا بالصوص وبخليها تتشرب منيح وبنرتب اللازانيا وبنحط فوقهم من الحشوة وبعدين بشاميل.. وبنكرر الطبقات واخر شي بنبرش جبنة..

بندخلها الفرن حتى تستوي تقريبا نص ساعة حسب الفرن..

وصحة وهناااا

مقلوبة الفول "الربيعية"

المقادير:كوبين ونص أرز بسمتي
لكل كوب أر زبسمتي كاسة ونص مرقة من مرقة اللحمة وممكن اقل بربع كاسة حسب نوعية الارز عندك
كيلو فول أخضر طازج
لحم او دجاج حسب الرغبة
توابل وبهار وحب هال للمرقة والأرز
بصلة لسلق اللحمة
زيت لقلي الفول
الطريقة:نقوم بغسل الفول الأخضر وتقميعه وتقطيعه
نحضر زيت زيتون او نباتي ونقلي الفول به
نقوم بشطف الفول بعد قليه بماء بارد

نكون بدايةً قمنا بتقليب اللحمة بالطنجرة وبعد ان تجف ماءها اقوم باضافة الفلفل الاسود والبهاار وحب هال تقريبا 5 حبات مع ورق غار لو متوفر عندك وبصلة مقطعة جوانج واقلبهم سوا..
والملح لا يضاف الا قرب استواء اللحمة لانه الملح يأخر عملية استواء اللحوم ويشدها
بضيف الماء عليها واتركها تغلي وتتسبك للاستواء
بضيف بالنهاية ملح لحين استواءها.
نقوم بنقع الارزق البسمتي بالكركم لمدة نص ساعة واللون انتي تتحكمي بدرجته كيف بدك يصير لونه...

بعد استواء اللحمة اقوم بتصيفة المرقة بمصفاة والشوائب اللي زادت من المرقة احتفظ بها واضيفها للأرز بالمقلوبة...

بنخلطها مع الارز بعد تصفية مرقة اللحمة
 نضع الفول المقلي يغلي بالمرقة حتى يطرى شوية مدة خمس دقائق فقط وبعد ذلك اصفيه
بنحضر طنجرة الطبخ واضع الفول بقاع الطنجرة ومن ثم اللحم المسلوق ومن ثم الأرز واسكب مرقة عليه وكل كاسة رز بسمتي تحتاج لكاسة ونص مرقة...
ونتركها تغلي غلوتين ونوطي النار عالاخر ونغطيها لحين الاستواء..

لما تستوي بنقلبها بطبق التقديم.. بنزينها بالمكسرات..
بنقدمها مع سلطة الخيار باللبن..

وصحة وهنااا ^_^

كيكة الاناناس

المقادير:
كوب سكر
حلقات اناناس
4 بيضات
برش ليمون
كوب ونصف سكر
نصف كوب زيت
نصف كوب ماء الاناناس
كوبين طحين
بكنج باودر

الطريقة:
اول شي بنحرق السكر بمقلاة التيفال وبنحطو في صينية الفرن.
بنرتب حلقات الاناناس فوق الكراميل.

بنجهز الكيكة:
بخفق البيض والزيت والفانيلا والسكر مع بعض.
بنضيف الطحين وعصير الاناناس والبكنج باودر.
بنصب الخليط فوق حلقات الاناناس وبدخلها الفرن حتى تستوي.
ولما نطلعها بنقلبها وبنقدمها مع بوظة.

وصحة وهنااا ^_^

كرابيج حلب

المقادير

العجينة:
1 كوب ماء

نصف كوب زيت

كوب وربع طحين

نصف ملعقة صغيرة ملح

ملعقة صغيرة سكر

3 بيضات

ملعقة صغيرة فانيليا سائلة

القطر:
2 كوب سكر

كوب ماء

ملعقة عصير ليمون

ماء زهر

الطريقة

اول شي بنجهز القطر. بنحط عالنار الماء والسكر وعصير الليمون ولما يغلي بنطفي وبنضيف ماء الزهر.

طريقة العجينة:

اول شي بنحط عالنار الزيت والماء والسكر والملح. وبنحرك حتى يغلي الماء وبنضيف الطحين دفعة واحدة وبنحرك منيح لمدة دقيقتين.
بنشيل الخليط عن النار وبنحرك الخليط حتى يبرد شوي. وبعدين بنضيف البيض وحدة ورا التانية وبعد كل بيضة بنحرك الخليط منيح. وبنضيف الفانيليا وبنحرك.
بنحط الخليط بكيس الحلواني. وبنقليه في نار دافية على نار متوسطة وما تكون حامية ولا باردة. وبنحطهم بالقطر.

وصحة وهنااا ^_^