اليوم عملت اكلة اردنية شعبية اسمها المكمورة، بتشبه المسخن الفلسطيني.
المقادير والطريقة:
اول شي بنحضر العجينة.
مقاديرها:
كوبين طحين ابيض.
كوب طحين اسمر( بر ).
ملعقة كبيرة سمسم.
ملعقة كبيرة حبة البركة.
ملعقة صغيرة ملح.
كوب او اكثر ماء دافئ.
بعجن العجينة وبخليها ترتاح لمدة ساعة.
بحضر الحشوة:
اول شي بقطع كمية بصل تقريبا 4 حبات بصل مكعبات او حلقات متل ما انتي عايزة.
بقليهم بزيت زيتون وبحط ملح وفلفل وبهار وكمون وشوية كركم. وبخليهم عالنار حتى تذبل نصف استواء.
بكون منظفة الدجاج ومقطعتها. بحط عليها ملح وفلفل وبهار وهال وقرفة وكمون وكركم وبقليهم بزيت البصل حتى تتحمر.
بنجيب صينية الفرن.بدهنها زيت زيتون وبجيب قصدير بحطها بالصينية وبدهن القصدير زيت البصل.
بعد ما ارتاحت العجينة بقطعها 6-8 قطع وبرقها كتيير رقيق.
بفرد اول طبقة بالصينية وبدهنها شوي زيت بصل وبفرد عليها بصل وسماق ومكسرات.
وبفرد تاني طبقة من العجينة وبحط عليها بصل وقطعتين دجاج ومكسرات وسماق. وبكمل باقي الطبقات.
بغلفها كتير منييح بالقصدير وبدخلها الفرن لمدة ساعتين تقريبا.
وصحة وهناااا ^_^
ليست هناك تعليقات:
إرسال تعليق