ملك البوفيهات- الكروكومبوش-

مقادير عجينة التشو:
كاس ماء

اصبع الا ربع زبدة

كأس دقيق منخول

ملعقة صغيرة سكر

ملعقة صغيرة فانيلا

4 بيضات

ذرة ملح

مقادير حشوة الكاستر( الكريم باتسيير):

2 كاس حليب 

نصف كاس سكر

ملعقة فانيلا

2 ملعقة زبدة

3 ملاعق نشا

3 ملاعق طحين

2 بيضة

2 صفار بيضة

طريقة عمل العجينة:
اول شي بنحط الزبدة والماء والسكر والملح عالنار حتى يغلي.

بنضيف الدقيق وبنخلط حتى يصير عجينة متماسكة.

بنشيلهم عن النار وبنعجنهم حتى يبردوا.

بنضيف الفانيلا والبيض بيضة بيضة وبنخلط منيح.

بنجيب قمع وبنوزعهم عالصينية على شكل كرات.

بندخلها الفرن واهم شي ما نفتح عليها الفرن اول ثلث ساعة.

طريقة عمل الحشوة:
اول شي بنغلي كاس وربع حليب.
على جنب بنضيف باقي الحليب والبيض والنشا والطحين وبنحرك.
بنضيف الحليب المغلي عليهم.
 وبنرجع الخليط عالنار وبنحرك حتى يتقل.
واخر شي بنضيف الفانيلا والزبدة.
بندخلو الثلاجة حتى يبرد شوي.

بنحشي حبات الكروكومبوش بحشوة الكاسترد وبنزينها بصوص شوكلاتة او كراميل.

وصحة وهنااا ^_^